МОТТ, КЪАМ, МОХК. Али Хашагульгов. НАЬНА МОТТ - ДАЬЛА СОВГIАТ, ХАЛКЪА СА!

МОТТ, КЪАМ, МОХК. Меттагара дIадолалу къам. Мотт беце, къам дац. ГIалгIай къам леладер гIалгIай мотт ба. ГIалгIай мотт бицбенна, байна, наха ле ца беш дIабаьлча, гIалгIай къам хургдацар. Эзараш шераш да, гIалгIай къам гIалгIай мотт лебеш хьадоагIа. ГIалгIай мотт, хIара кхыбола мотт санна, алхха гIалгIай къаман ганз хинна Iац, дерригача адамлен юкъарча культура дакъа да. Из кхетадеш хила беза, Iилманхой меттел, массабола нах а, къаьстта гIалгIа ва со мел яхар а. Цудухьа вай декхар да: воай мотт беза, лархIа, бовза, бебабе, лорабе. ХIара дош жовхьара маьхе хинна Iац: дуккха а дезагIа да. Мел дукха доадаьд вай дицдарца, ханнахьа дIацаяздарца. Мел дукха дайнад СибарегIа байнача вай нахаца, мел дукха довш латт уж тахан вай боккхийча нахаца а. Шедар: рузкъа боахам, говзал, хьакъ хьаде, Iалашде йиш йолаш да, бакъда, мотти мохки деце – дац, уж керда хьаде, дагадехача ханна хьакхолла йиш йолаш дац, уж хIара къаман ше ший да. Метто ву сагах саг. Метто ду къамах къам. Мотти мохки дале, къам цIаккха а лергдац. Мотт, хьаннагIчун из бале а, къаман, мехка нана я. Али Хашагульгов Спасибо за просмотр, 👍 подпишитесь и напишите коммент. Наш Telegram-канал: #Владикавказ